ANTE A LENDA DE QUE O SISTEMA DE PENSIÓNS DESTE PAIS NON É VIABLE

    Nesta crise na que nos meteron, destaca de forma moi principal o prognostico de que o sistema de Pensións está en perigo, xa que o envellecemento da poboación incrementa o número de beneficiarios, e o descenso da ”man de obra”, de cuxa cotización saen os fondos que nutren as pensións, parecen condenar ao fracaso do sistema... Así presentase que unha vantaxe social e vital, de alongar a vida das persoas, resulta ser un atranco para a súa convivencia, como se foran incapaces de valerse por se mesmas... O panorama preséntannolo sombrío, sen esperanzas, e incluso chegan, nesta campaña electoral que estamos vivindo, a falar de que o PP é o único capaz de salvar o sistema, nun cinismo raiano na estupidez xa que a súa oferta é reforzar o sistema de pensións privadas, administradas polos bancos... E ese é outro elemento en discordia: a ambición da banca de incrementar o seu grande negocio dos fondos de pensións privados, e así están a fomentar as lendas sobre o fatal destino das pensións públicas, buscando a captación de clientes que logo se verán defraudados nas súas perspectivas, como pasou no caso das hipotecas, ou das preferentes...